كۆمەڵەی خوێندكاران بانگهێشتی رۆژی جەنگی بەرگری گەلی چین کرا

کۆمەڵەی خوێندکارانی کوردستان بەشێوەیەکی ڕەسمی بانگهێشت کرا بۆ (٨٠)یەمین ساڵیادی سەركەوتنی جەنگی بەرگری گەلی چین لە دژی دەستدرێژیی ژاپۆن و جەنگی جیهانی دژە فاشیزم.

سەنتەری لێكۆڵینەوەی چین لە زانكۆی سلێمانی لە ئیڤێنتێكدا سیمینارێکی لەژێر ناونیشانی "بیرهێنانەوەی مێژو و دروستكردنی داهاتوویەكی باشتر"، ڕێکخست و کۆمەڵەی خوێندکارانی کوردستانیش وەک هاوبەشێکی سەرەکی باڵیۆزخانە و کونسوڵی گشتی ئەو وڵاتە بەشداریی کرد.

ئەو بۆنەیە وەک سەرکەوتنێکی گەورە بۆ گەلی چین و هەموو گەلانی ئاشتیخواز لە سەرانسەری جیهاندا ساڵانە ڕێکدەخرێت، وەک یاد و وەبیرهێنانەوەیەکیش بۆ ئەو دەستدرێژیانەی ژاپۆن و جەنگی جیهانی دژە فاشیزم تەماشا دەکرێت.

لەو ئیڤێنتەدا هەریەکە لە (تسوی وی) باڵیۆزی كۆماری میللی چین لە عێراق و (لیو جیون) كونسوڵی گشتی كۆماری میللی چین لە هەولێر، بەشدارییان تێدا کرد و وتاریان پێشکەشکرد.