وێنە ریلز بۆنەکان هەواڵ

لە ڕۆژی جیهانیی لاواندا کۆمەڵەی خوێندکاران 10 پرۆژەی جیاواز ڕادەگەیەنێت

کۆمەڵەی خوێندکاران لە ڕۆژی جیهانی لاواندا 10 پرۆژەی جیاواز و گرنگ وەک مژدەیەک بە خوێندکارانی کوردستان دەدات، بۆ ئەو مەبەستە ئامادەکارییەکانی دەستپێدەکات.

 

لەم ڕۆژەدا کۆمەڵەی خوێندکارانی کوردستان بە گرنگیی و بایەخەوە لە تواناکانی لاوان دەڕوانێت، چونکە ڕۆڵی بەرچاویان لە بونیادنانی کوردستان و کۆمەڵگەیەکی پێشكەوتوودا هەبووە.

 

لەلایەکی دیکەوە کۆمەڵەی خوێندکاران گەشبینە بەوەی داهاتووی كوردستان پەیوەستە بە باوەڕی بەهێزی تواناكانی لاوان و پشتگیریكردنیان بۆ بەدیهێنانی خەونەكانیان، بە ئەركی هەموولایەكیشی دەبینێت بە پلانێكی فراوان و ستراتیژێكی درێژخایەنەوە هاوكاری لاوان بکەن و ئامێز بۆ بەهرەكانیان بكەینەوە.

 

لەم یادە گەورەیەدا كۆمەڵەی خوێندكارانی كوردستان لەدرێژەی هەوڵە بەردەوامەكانی بۆ خزمەتی لاوان و خوێندكاران، 10 پرۆژەی گرنگ و جیاواز لە سێ مانگی داهاتوودا رادەگەیەنێت و لەداهاتوویەكی نزیكدا وردەكارییەكانی بڵاودەكاتەوە.

رێکەوت: 13/08/2025 || 10:34
هەواڵی زیاتر