چەند خوێندکارێکی زانکۆکانی فەڵەستین و ئوردن سەردانی کۆمەڵەی خوێندکاران دەکەن

کۆمەڵەی خوێندکارانی کوردستان لە بینای سەرەکی خۆی پێشوازی لە چەند خوێندکارێکی وڵاتانی عەرەبی کرد، لەو نێوانەدا ئەجێندای کارەکانیان تاووتوێ کرد و باسیان لە چەند تەوەرێکی گرنگی تایبەت بە خوێندن کرد.

ژمارەیەک خوێندکاری زانکۆکانی فەڵەستین و ئوردن کە لە چوارچێوەی پرۆگرامی ئاڵوگۆڕی خوێندن لە شاری سلێمانین، سەردانی بینای سەرەکیی کۆمەڵەی خوێندکارانی کوردستانیان کرد و ستایشی کارەکانی کۆمەڵەی خوێندکارانیان کرد، جگەلەوەش باسیان لەوە کرد کە ئەم ئەزموونە وەک دەستکەوتێکی دەوڵەمەند بۆ وڵات و زانکۆ و ناوەکانی خوێندنی خۆیان دەگوازنەوە.

ئەو چەند خوێندکارەی لە زانکۆکانی فەڵەستین و ئوردنەوە هاتوونەتە سلێمانی، گەشتەکەیان بۆ  ماوەی مانگێک بەردەوامیی دەبێت و کۆمەڵەی خوێندکارانیش بە هەماهەنگی لەگەڵ زانکۆی پۆلیتەکنیکی سلێمانی، میوانداریی و ڕێنوێنیان لەئەستۆدەگرێت.