خوێندکارێکی زانکۆی ڕاپەڕین هەڵەیەکی زانستی ڕاست دەکاتەوە

لەبەرانبەر ڕاستکردنەوەی هەڵەیەکی زانستیدا، کۆمەڵەی خوێندکارانی کوردستان ڕێزلێنانی پێشکەشی خوێندکارێکی زانکۆی ڕاپەڕین کرد و ستایشی ئەو کارە گەورەیەی لێ کرد.

لەماوەی ڕابردوودا ژیوار حسێن خدر، خوێندکاری قۆناغی سێیەمی کۆلێجی پەرستاری زانکۆی ڕاپەڕین، درکی بە هەڵەیەکی گەورە لەنێو چاپتەری (33)ی کتێبی (Lewis’s Medical-Surgical  Nursing eleventh edition)  دەربارەی (Fibric acid debriative)کرد و دوای لێکۆڵینەوەیەکی ورد، دەرکەوت ئەو خوێندکارە بەشێوەیەکی زانستی هەڵەکەی دەستنیشان کردووە، پاش ئاگادارکردنەوەی دەزگای بڵاوکردنەوەی (Elsevier) و بە پشتبەستن بە چەند سەرچاوەیەکی تری زانستی ئاستبەرز، هەڵەکە راستکراوەتەوە.

بۆ ئەو مەبەستە و لەبەرانبەر پێزانینی ئەو هەوڵەی ژیوار حسێندا، کۆمەڵەی خوێندکارانی کوردستان لەڕێگەی ستافی دەڤەری ڕاپەڕینەوە پێشوازیان لە خوێندکارەکەی کۆلێجی پەرستاری کرد و دوای پێزانین   و سوپاسکردنی، ڕێزلێنانیان پێشکەشکرد.