کۆمەڵەی خوێندکاران دژی بڕیارێکی وەزارەتی خوێندنی باڵای عێراقە

وەزارەتی خوێندنی باڵای عێراق بڕیارێکی دەرکرد و تاقیکردنەوەی بە زمانی کوردی لە ناوچە کێشە لەسەرەکان قەدەغەکرد، بەو هۆیەوە کۆمەڵەی خوێندکارانی کوردستان ناڕەزایەتی لەو بارەیەوە دەربڕی.

كۆمەڵەی خوێندكارانی كوردستان ناڕەزایی دژی بڕیارەكەی وەزارەتی خوێندنی باڵای عێراق بۆ قەدەغەكردنی زمانی كوردی لە تاقیكردنەوەكانی کەرکوک، نەینەوا و دیالە دەردەبڕێت و بە هەنگاوێكی مەترسیدار ناوی دەبات.

لەكاتێكدا بەگوێرەی دەستووری عێراق زمانەكانی كوردی و عەرەبی زمانی فەرمین لە وڵاتدا، ئەم بڕیارە پێشێلكردنی ئاشكرای دەستوور و یاسایە و بەهەمووشێوەیەك دژی دەوەستینەوە.

هاوكات هەوڵەكانی بەڕێز خالید شوانی، وەزیری دادی عێراق بۆ رەتكردنەوەی ئەو بڕیارە مەترسیدارە بەرز دەنرخێنین و سوپاسی دڵسۆزی و بەدەنگەوەهاتنی دەكەین.