کۆرسی پرۆسیجەرە پزیشکییەکان بەڕووی فێرخوازاندا دەکرێتەوە

کۆرسی پرۆسیجەرە پزیشکییەکان لە بینای سەرەکی کۆمەڵەی خوێندکارانی کوردستان دەکرێتەوە، هەرکەسێک ئارەزوومەند بێت دەتوانێت بەشداریی بکات و باباتەکان بەشێوەی زانستی و ئەکادیمی وەربگرێت.

بە ئامانجی گەیاندنی سوودی گشتی بە خوێندکاران و فێرخوازان، کۆمەڵەی خوێندکارانی کوردستان کۆرسی پرۆسیجەرە پزیشکییەکان پێشکەش دەکات و لە چوارچێوەی پرۆژە بەردەوامەکانیدا کاری لەسەرکردووە.

بنەما سەرەکییەکانی کۆرسەکە لەسەر هەردوو شێوازی پراکتیکی و تیۆری بە فێرخوازان دەوترێتەوە، بۆ ئەوەی بتوانن بەشێوەیەکی گونجاو سوود لە بەشداریکردنەکەیان وەربگرن.

ئەم کۆرسە بۆ ماوەی سێ رۆژ بەردەوامی دەبێت و بەپێی خشتەیەکی گونجاو وانەکانی داڕێژراوە.

ڕۆژی یەکەم (جۆرە جیاوازەکانی دەرزی لێدان) بە بەشداربووان ئاشنا دەکرێت
 کە پێکدێن لە (دەرزی ژێر پێست، دەرزی ماسولکە و دەرزی هەستیاری).

ڕۆژی دووەم (ڕاکێشانی خوێن) یەکێکی دیکە دەبێت لە وانەکان و بەو دوو شێوازەی لە خوارەوە دیاریکراوە کاری لەسەر دەکرێت.
1-هەڵبژاردنی ڤێنی گونجاو بۆ ڕاکێشانی خوێن.
2-جۆرە جیاوازەکانی سرنج و تیوبەکان.

ڕۆژی سێیەم (کانۆلادانان) دەبێتە بابەتی سەرەکی کۆرسەکە، ئەویش لە دوو خاڵی سەرەکیدا خۆی دەبینێتەوە.
1- هەڵبژاردنی ڤێنی گونجاو بۆدانانی کانۆلا.
2- فڵەشینگی کانۆلا بە نۆڕماڵ سەڵاین.

کۆرسی پرۆسیجەرە پزیشکییەکان لەلایەن مامۆستا هەردی حەسەن دەوترێتەوە، ناوبراو بڕوانامەی ماستەری لە تەندروستی گشتی و بڕوانامەی (TOT)ی هێزەکانی ناتۆ لە بواری فریاگوزاری پزیشکی سەربازیدا هەیە.

کۆرسەکە لە ڕۆژی(٢٨/٧/٢٠٢٥) دەستپێدەکات و لە ڕۆژی (٣٠/٧/٢٠٢٥) کۆتایی دێت، کاتەکانیش لە کاتژمێر (2ی پاش نیوەڕۆ) دەستپێدەکات و لە کاتژمێر (4ی پاش نیوەڕۆ) کۆتایی دێت.

تێبینی/ خوێندکاران دەتوانن لەسەرجەم بەشە پزیشکی و زانستییەکانەوە بەشداریی ئەم کۆرسە بکەن.