خوێندکارێکی کۆلێجی دەرمانسازی توێژینەوەکەی لە گۆڤارێکی جیهانیدا بڵاوبووەوە

خوێندكارێكى كۆلێژی ده‌رمانسازی توێژینه‌وه‌یه‌كی زانستی له‌ گۆڤارێكی ئاستبه‌رزی جیهانیدا بڵاوده‌كاته‌وه‌.

خوێندكار (محمد كۆكش صدیق) له‌ كۆلێجی ده‌رمانسازی زانكۆی سلێمانی توێژینه‌وه‌یه‌كی له‌ گۆڤاری ئه‌ندازیاری كیمیای ژینگه‌یی كە گۆڤارێكی به‌ناوبانگی نێوده‌وڵه‌تییه‌ و سه‌ر به‌ بڵاوكراوه‌ی ده‌زگایی به‌ناوبانگی (Elsevier)ە و‌ باره‌گای سه‌ره‌كی له‌ ووڵاتی هۆڵه‌ندایه، بڵاوده‌كاته‌وه‌.

ئه‌و توێژینه‌وه‌یه‌ پێداچوونه‌وه‌یه‌كی گشتگیره‌ له‌سه‌ر خاڵه‌ كاربۆنییه‌ به‌ نایترۆجین دۆپكراوه‌كان بۆ به‌كارهێنانی دژه‌به‌كتریا.

پێداچوونه‌وه‌كه‌ هه‌ڵسه‌نگاندنێكی ووردی پێشكه‌وتنه‌كانی ئه‌م دواییه‌ له‌ به‌كارهێنانی خاڵه‌ كاربۆنییه‌ به‌نایترۆجین دۆپكراوه‌كان له‌ دژی هه‌وكردنی به‌كتریا ده‌خاته‌ڕوو، هه‌روه‌ها شێوازى دروستكردن، میكانیزمه‌كانی دژه‌به‌كتریا و كاریگه‌ری دۆپینگی نایترۆجین له‌سه‌ر خاڵه‌ كاربۆنییه‌كان باس ده‌كات.

جگه‌له‌وه‌ش توێژینه‌وه‌كه‌ى خوێندكار محه‌مه‌د كۆكش چاره‌سه‌ری ئه‌گه‌ریی پێشكه‌ش ده‌كات بۆ چاره‌سه‌ركردنی به‌رگری به‌كتریا، كه‌ پرسێكی ته‌ندروستی جیهانیی گرنگه‌ و ستراتیژییه‌كان بۆ باشتركردنی كاریگه‌ری دژه‌به‌كتریاكان ده‌خاته‌ڕوو.