هەڵەبجە.. زیاتر لە 150 خوێندکار بەشداریی کۆرسی پرۆسیجەرە پزیشکییەکانیان کرد

کۆمەڵەی خوێندکارانی کوردستان کۆرسێکی زانستی سێ ڕۆژەی لە پارێزگای هەڵەبجە لەژێر ناونیشانی (کۆرسی پرۆسیجەرە پزیشکییەکان) بۆ خوێندکاران کردەوە، زیار لە 150 خوێندکار بەشدارییان کرد و دواتریش بڕوانامەیان پێبەخشرا.

کۆرسەکە لە ڕۆژی سێ مانگی ئاب دەستی پێکرد و لە هۆڵی تەکنۆلۆجیای زانیاری لە هەڵەبجە بەڕێوەچوو، جگەلەوەش هەریەکە لە ڕاهێنەران (هەردی تاهیر ڕەزا و خەڵات حەمە غەریب) بەشێوەی تیۆری و پراکتیکی وانەی زانستیان بە خوێندکاران بەخشی.

ڕۆژی یەکەمی کۆرسی پرۆسیجەرە پزیشکییەکان تەرخانکرابوو بۆ بابەتەکانی دەرزی لێدان و خوێن وەرگرتن، ڕۆژی دووەم بۆ کانۆلا دانان، ڕۆژی سێیەمیش تایبەت بوو بە فریاگوزاری سەرەتایی(First Aid).

ئامانجی سەرەکی کۆرسەکە بەرزکردنەوەی توانای خوێندکارانی بەشە تەندروستییەکان بوو لە پارێزگای هەڵەبجە، هەربۆیە لە بۆنەیەکی تایبەتیشدا  بەشداربووان بڕوانامەکانیان پێ بەخشرا.