بۆ ڕۆژی جیهانیی پەرستاران سیمپۆزیۆمێکی تایبەت ڕێکخرا

هەموو ساڵێک لە 12ی مانگی ئایاردا سەرجەم چین و توێژەکان لە دنیادا پیۆرزبایی لە پەرستاران دەکەن، ئەو ڕۆژەیان بۆ چینی پەرستاران تەرخان کردووە و هەوڵەکانیانی تێدا بەرزدەنرخێن، بۆ ئەو مەبەستە سیمپۆزیۆمێکی تایبەت لە سلێمانی ڕێخکرا.

سیمپۆزیەمێكی تایبەت بە ڕۆژی جیهانیی پەرستاران لەلایەن بەشی پەرستاریی زانكۆی پۆلیتەكنیكی سلێمانی و بەهاوكاریی زانكۆی ڕاپەڕین و بەڕێوەبەرایەتیی گشتیی تەندروستیی سلێمانی، ڕێكخرا و چەند تەوەرێكی گرنگی زانستی و پیشەیی تایبەت بەو بوارە خرانەڕوو.

لەو سیمپۆزیۆمەدا کۆمەڵەی خوێندکارانی کوردستانیش بەشداریی کرد و ڕاو بۆچوونی تایبەت ئاڵوگۆڕ کرا، پیرۆزبایی و پێزانینیش بۆ هەوڵەکانیان ئاڕاستەی پەرستاران کران.