میوانانی یۆبیلی زێڕینی کۆمەڵەی خوێندکارانی کوردستان

لەگەڵ دەستپێکی بەڕێوەچوونی یۆبیلی زێڕینی 50 ساڵەی کۆمەڵەی خوێندکارانی کوردستان، بەشێکی زۆر لە خوێندکاران هاوشێوەی کەسایەتییە حزبی و حکومییەکان سەردانی شوێنی مەراسیمەکەیان کرد و بە ئەمەکەوە پیرۆزبایی ئەو یادەیان کرد و لەگەڵ هەموواندا وێنەیان لە ڕۆژی 26/4/2026 بۆ ئەو یادە چرکاند.

ئامانجی هەرە لە پێشی کۆمەڵەی خوێندکاران کوردستان، خزمەتی کۆمەڵگەیە بەگشتی، بەتایبەتییش چینی خوێندکار و مامۆستایان... هەمیشە و هەردەم لە خەیاڵدانیدا، لەو سۆنگەیەی بەردەوام زانست و پێشکەوتن خۆی نوێ دەکاتەوە، کۆمەڵگەش نوێ دەبێتەوە، یان ئامادەسازیی بۆ دەکات... بۆ ئەمەش، کۆمەڵەی خوێندکارانی کوردستان لە بەرەی پێشەوەی مەیدانی ئاڵنگارییەکاندایە و بۆ زیندووهێشتنەوەی پەیامەکەی؛ لێبڕاوانە کار دەکات.