لێپرسراوی بۆردی ڕێکخراوە دیموکراتییەکان چەپکەگوڵی پیۆرزبایی پێشکەشی كۆمەڵەی خوێندكاران کرد

کۆمەڵەی خوێندکارانی کوردستان لە ڕۆژی 26/4/2026 مەراسیمێکی گەورەی بۆ یادی 50 ساڵەی دامەزراندنی ڕێکخست و چەندین کەسایەتی حزبی و حکومی و مامۆستایانی پەروەردە و خوێندنی باڵا بەشدارییان تێدا کرد و میوانداریی کران، بەو بۆنەیەشەوە ئەمەل جەلال، سەرۆکی بۆردی ڕێکخراوە دیموکراتییەکان سەردانی ئۆفیسی کۆمەڵەی خوێندکارانی کوردستانی کرد.

ناوبراو لەگەڵ بەشێک لە ستافی بۆردی ڕێکخراوە دیموکراتییەکان، لە ئۆفیسی سەرەکی کۆمەڵەی خوێندکاران پیرۆزبایی یۆبیلی زێڕینی 50 ساڵەی کرد، چەپکە گوڵی بۆ ئەو یادە پێشکەشی کۆمەڵەی خوێندکارانی کوردستان کرد.

خاتوو ئەمەل جەلال هیوا سەرکەوتن و پێشکەوتنی زیاتری بۆ کۆمەڵەی خوێندکارانی کوردستان خواست.