یاریدەدەری سەرۆکی زانکۆی کەرکوک سەردانی کۆمەڵەی خوێندکارانی کرد

لەسەردانێکیدا بۆ ئۆفیسی سەرەکی کۆمەڵەی خوێندکارانی کوردستان، د.ڕێبوار محەمەد لەگەڵ ئاران غەفور ئەحمەد، نوێنەری سەرۆکی یەکێتیی نیشتمانیی کوردستان بۆ کاروباری خوێندکاران کۆبووە و تاووتوێی پرسی تایبەت بە خوێندکارانی کەرکوکیان کرد.

ڕۆژی چوارشەممە 22/4/2025 ئاران غەفور پێشوازیی لە د.ڕێبوار محەمەد، یاریدەدەری سەرۆکی زانکۆی کەرکوک کرد و پیرۆزبایی کۆمەڵەی خوێندکارانی بە ناوبراو گەیاند بەبۆنەی وەرگرتنی بەرپرسیارێتییە نوێیەکەی لە زانکۆی کەرکوک.

كۆمەڵەی خوێندكارانی كوردستان وەك چۆن لە ڕابردوودا لەنزیكەوە لەگەڵ خوێندكارانی كەركوک بووە و پاڵپشتی کردوون، لەداهاتووشدا بەهەمان گڕوتینەوە بەردەوام دەبێت و پشتیوان دەبێت لە بەرەوپێشچوونی تواناكانی خوێندكاران و ڕەوتی خوێندنی باڵا لەو پارێزگایە.