تیمە تەندروستییەکانی کۆمەڵەی خوێندکاران بە بێبەرانبەر پشکنین بۆ هاوڵاتیان دەکەن

ساڵانە لە کۆتاییەکانی مانگی ڕەمەزانی پیرۆزدا، تیمە تەندروستییەکانی کۆمەڵەی خوێندکارانی کوردستان پشکنینی پزیشکی بە بێبەرانبەر بۆ هاوڵاتیان ئەنجام دەدەن.

لە شوێنە گشتیییەکاندا و بۆ خزمەتی هاوڵاتیان، تیمە تەندروستییەکانی کۆمەڵەی خوێندکارانی کوردستان چەندین پشکنینی پزیشکیی جۆراوجۆریان بۆ چارەخوازان ئەنجام دا، جگەلەوەش دیارییان پێشکەشی  منداڵە چاوگەشەکان کرد.

پێشکەشکردنی ئەو خزمەتگوزارییە تەندروستییانە لە چوارچێوەی کار و پرۆژەکانی کۆمەڵەی خوێندکارانی کوردستاندایە، بۆ ئەو مەبەستەش بەردەوام دەبێت و لە هەوڵەکانیان بۆ خزمەتکردن ناوەستن.