کۆرسێکی زانستی بۆ خوێندکارانی زانکۆی ڕاپەڕین بەسەرکەوتوویی پێشکەش کرا

بەڕێوەبەرایەتیی گشتیی سەنتەری توێژینەوەی زانکۆی ڕاپەڕین بە هەماهەنگیی کۆمەڵەی خوێندکارانی کوردستان، کۆرسێکی سێ ڕۆژیی ڕاهێنانی بۆ سەرجەم خوێندکارانی قۆناغی چوارەم و پێنجەمی زانکۆی ڕاپەڕین بەڕێوەبرد.

لە كۆرسەكەدا جێبەجێکردنی ڕێبەری نووسینی توێژینەوەی دەرچوون، چۆنیەتی بەکارهێنانی ژیریی دەستکرد لە توێژینەوەی زانستیدا و چۆنیەتی ئامادەکردنی سیمیناری کۆتایی توێژینەوە بە شێوازێکی ئەکادیمی بۆ خوێندكاران ڕوونكرایەوە.

بەڕێوەچوونی ئەو کۆرسە زانستییانە لە چوارچێوەی کار و چالاکی و پرۆژە بەردەوامەکانی کۆمەڵەی خوێندکارانی کوردستانە بۆ بەرەوپێشچوونی توانای زانستی و ئەکادیمی خوێندکاران.