کۆبوونەوەی بەڕێوەبەری چەند ئامادەییەک لە کۆمەڵەی خوێندکاران

کۆمەڵەی خوێندکارانی کوردستان بەمەبەستی بەرەوپێشچوونی ئاستی خوێندن و گەشەسەندنی زیاتری ئەو بوارە، کۆبوونەوەی لەگەڵ چەند بەڕێوەبەرێکی خوێندنگە ئامادەییەکانی سنووری سلێمانیدا بەسەرکەوتوویی ئەنجامدا و گەنگەشەی ئەنجامدانی چەندین پرۆژەی گرنگ کرا.

لەدرێژەی پرۆژە ستراتیژییەكانی كۆمەڵەی خوێندكارانی كوردستان لەسەر ئاستی پەروەردە و خوێندنگە ئامادەییەكان، ڕۆژی 12/2/2026 كۆبوونەوەیەكی هاوبەش لەنێوان كۆمەڵەی خوێندكاران و بەڕێوەبەری چەند ئامادەییەك لە سنووری سلێمانی بە ئامانجی ئەنجامدانی چەندین پرۆژەی هاوبەش و گرنگ بەڕێوەچوو.

لەماوەی ڕابردوودا کۆمەڵەی خوێندکارانی کوردستان زنجیرەیەک کۆبوونەوەی لەگەڵ چەند بەڕێوەبەرێکی بەڕێوەبەرایەتی پەروەردەکانی سنووری سلێمانی ئەنجامدا، ئامانج لەو کۆبوونەوانە گەیاندنی سوود و بەرەوپێشچوونی ئاستی پیشەیی و ئەکادیمی خوێندکارانە، بۆ ئەو مەبەستە هەوڵ و تەقلاکانی کۆمەڵەی خوێندکاران بەردەوامیی هەیە و هەمیشە بە پرۆژە و کاری جیاواز خزمەتی خوێندکاران دەکات.