سەرجەم پێداویستییەکانی کەمپینەکەی زانکۆی ڕاپەڕین ڕەوانەی ڕۆژاڤا کران

لەژێر چاودێری پ.ی.د.پەیمان ڕەمەزان ، سەرۆکی زانکۆی ڕاپەڕین و بە هاوبەشی کۆمەڵەی خوێندکارانی کوردستان و کەناڵ8، سەرجەم ئەو پێداویستیی و هاوکاریانەی کۆکرابوونەوە لە کەمپینەکەدا، ڕەوانەی بۆ ڕۆژئاڤا کران.

لەچەند ڕۆژی ڕابردوودا و لە بانگەوازێکی نیشتمانیدا زانکۆی ڕاپەڕین ئامێزی بۆ هەموو کوردان کردەوە و کەمپینی هاوکاری و پشتیوانی بۆ ڕۆژاڤا ڕاگەیاند، هاونیشتمانیان و خوێندکارانی ئەو دەڤەرەش بەدەم ئەو بانگەوازەوە چوون و بەشدارییان کرد.، بەو هۆیەوە سەرجەم ئەو کەلوپەل و پێداویستیانەی گرنگ بوون، کۆکرانەوە و ڕەوانەی ڕۆژئاڤا کران.

زانکۆی ڕاپەڕین وەک ناوەندێکی زانستی و نیشتمانیی، بە هاوبەشی و سپۆنسەریی میدیایی (Channel 8) و كۆمەڵەی خوێندكارانی كوردستان، کەمپینە فراوانەکەی بۆ کۆکردنەوەی کۆمەک و هاوکاری بۆ لێقەوماوانی ڕۆژاڤای کوردستان بەسەرکەوتوویی کۆتایی پێهێنا.