لە 24 کاتژمێردا زیاتر لە پێنج هەزار واژۆ بۆ پشتیوانی کوردانی ڕۆژاڤا کۆکرایەوە

کۆمەڵەی خوێندکارانی کوردستان بەشێوەی ئۆنلاین و لەڕێگەی بەستەرێکەوە هەڵمەتێکی گەورەی نیشتمانی بۆ کۆکردنەوەی ئیمزا وەک پاڵپشتییەک بۆ کوردانی ڕۆژاڤا ڕاگەیاند، لەماوەی 24 کاتژمێردا هاونیشتمانییان و خوێندکاران زیاتر لە پێنج هەزار واژۆیان کۆکردەوە.

لە ژێر دروشمی (پشتیوانی ڕۆژاڤا) کۆمەڵەی خوێندکارانی کوردستان لەسەرجەم ناوەندەکانی خوێندن (زانکۆ، پەیمانگا، ناوەندە زانستییە پەروەردەییەکان)ی هەرێمی کوردستان، بەشێوەی ڕاستەوخۆ و ئۆنلاین هەڵمەتێکی گەورەی دەستپێکرد، خۆشبەختانە خوێندکاران بەشێوەیەکی بەرفراوان بەدەم ئەو بانگەوازە نیشتمانییەوە چوون و بە واژۆیەک کوردپەروەری خۆیان بەرانبەر خوشک و براکانیان لە ڕۆژاڤا بەهێزتر کرد.

ئامانجەکانی ئەم هەڵمەتە:
پەیامی یەکڕیزی: نیشاندانی هاوسۆزیی خوێندکاران و ئەکادیمیستانی باشوور بۆ خەباتی ڕەوای گەلەکەمان لە ڕۆژاڤا.
بانگەوازی نێودەوڵەتی: گەیاندنی دەنگی ناڕەزایەتی بە ڕێکخراوە نێودەوڵەتییەکان و ناوەندەکانی بڕیار بۆ پاراستنی مافە ڕەواکانی کورد.
فشاری مەدەنی: بەکارهێنانی کەرەستە مەدەنییەکان بۆ ڕاگرتنی هەر پیلانێک کە دژی کورد لە هەرشوێنێکی جیهان بەتایبەت لە ڕۆژاڤای کوردستان دەگێڕدرێت.
تۆش بەشداربە; واژۆکانی ئێوە بەڵێنی وەفادارییە بۆ خاک، خوێنی شەهیدان و دواڕۆژی نەتەوەکەمان.

http://standwithrojava.org/