لە زانكۆی ڕاپەڕین كەمپینی كۆكردنەوەی هاوكاری بۆ ڕۆژاڤای كوردستان بەڕێوەدەچێت

بەهۆی هێرش و شەڕ و داگیرکارییەوە خوشک و برایانمان لە ڕۆژڤای کوردستان ڕووبەڕووی دۆخێکی سەخت و دژوار بوونەتەوە، کە بووەتەهۆی ئاوارەبوون و شەهیدبوونی ژمارەیەکی زۆر لە هاوخوێنانمان، ئەرکی سەرشانی هەموومانە بە هانایانەوە بچین، هەربۆیە داوا لە هاوڵاتیانی نیشتمانپەروەر، بازرگانان و خێرخوازانی دەڤەری ڕاپەڕین دەکەین هاوکارییەکانیان بگەیەنن.

لەژێر چاودێری وەزیری خوێندنی باڵا و توێژینەوەی زانستی و بەسەرپەرشتی (پ.ی.د.پەیمان ڕەمەزان ئەحمەد) سەرۆکی زانکۆی ڕاپەڕین، کۆمەڵەی خوێندکارانی کوردستان و کەناڵ 8 (Channel 8)، کەمپینێکی گەورە بۆ کۆکردنەوەی هاوکاری بۆ کوردانی ڕۆژئاڤا ڕادەگەیەنن.

زانکۆی ڕاپەڕین وەک ناوەندێکی زانستی و نیشتمانیی، بە هاوبەشی و سپۆنسەریی میدیایی کەناڵ ٨ (Channel 8) و كۆمەڵەی خوێندكارانی كوردستان، کەمپینی فراوانی کۆکردنەوەی کۆمەک و هاوکاری بۆ لێقەوماوانی ڕۆژاڤای کوردستان ڕادەگەیەنێت.
داوا لە دانیشتووانی خۆشەویستی دەڤەری راپەڕین دەکەین، وەک هەمیشە سەلمێنەری وەفابن و بەپێی توانای خۆیان بەشداربن لەم ئەرکە نیشتمانییەدا.

*لیستی ئەو پێداویستیانەی زۆر گرنگن و لە كەمپەینەكە وەردەگیرێن:
1.  پارە
2.  خۆراکی وشكە و لەقووتوونراو: (پێویستە ماوەی بەسەرچوونیان دوور بێت)
3.  شیری وشکی منداڵان و دایبی (حەفازە)ی منداڵان
4.  جلوبەرگ و پێداویستی خەوتن (بەتانی و دۆشەك) بەمەرجێك تازەبن و بەكارنەهاتبن
شوێنی كەمپەین: شاری ڕانیە - سەرۆکایەتی زانکۆی ڕاپەڕین
ماوەی کەمپەین: لە بەرواری (٢٧/١/٢٠٢٦) تاوەکو (٢٩/١/٢٠٢٦) کاتژمێر: (٩:٠٠ی سەرلەبەیانی) تا (٥:٠٠ی ئێوارە)
بۆ زانیاری زیاتر و پەیوەندی و ناردنی هاوكاری لەڕێگەی FIB:
 07725249325
07719488886
07503453418