ئەندامانی کۆمەڵەی خوێندکاران بەشداریی کەمپین و کۆکردنەوەی هاوکاری بۆ ڕۆژئاڤا دەکەن

ئەندامانی کۆمەڵەی خوێندکارانی کوردستان بە گڕوتینەوە بەشداربوون لە کۆکردنەوەی کەمپین و هاوکاری بۆ خوشک و برا کوردەکانمان لە ڕۆژئاڤا.

وەک ئەرکێکی نیشتمانی و نەتەوەیی ئەندامانی کۆمەڵەی خوێندکارانی کوردستان لە کەرکوک و زۆرێک لە شارەکانی هەرێمی کوردستان، بەشداریی کەمپینەکان و کۆکردنەوەی هاوکاریان بۆ کوردانی ڕۆژئاڤا کردووە.

لەلایەکی دیکەشەوە کۆمەڵەی خوێندکارانی کوردستان بەشدارن لە خۆپیشاندانە گەورە جەماوەرییەکان و هاوسۆز و پاڵپشتی خوشک و برا شەڕڤانەکانن لە ڕۆژئاڤای کوردستان.

چەند ڕۆژێکە لە سەرجەم شار و شارۆچکەکانی هەرێمی کوردستان کەمپین و کۆکردنەوەی هاوکاری بۆ کوردانی سەرجەم شارەکانی ڕۆژئاڤا بەردەوامی هەیە، جگەلەوەش چەندین چالاکی و خۆپیشاندانی گەورە لەلایەن ڕەوەندی کوردییەوە لە تاراوگە ڕێکخراوە و پاڵپشتی ئەو هەڵمەتە گەورەیەن کە کوردانی ڕۆژئاڤا ئەنجام دەدرێت.