کۆمەڵەی خوێندکاران چالاکییە جۆراوجۆرەکانی لە زانکۆی ڕاپەڕین ڕێکخست

کۆمەڵەی خوێندکارانی کوردستان لە زانکۆی ڕاپەڕین - کەمپەسی قەڵادزێ، چەند چالاكییەكی جیاوازی بۆ خوێندكارانی قۆناغی یەكەم رێكخست و چەندین بابەتی بەسوود پێشکەشکرا.

لەمیانی چالاکییە جۆراوجۆرەکانی کۆمەڵەی خوێندکارانی کوردستان لە زانکۆی ڕاپەڕین - کەمپەسی قەڵادزێ، سیمینارێك دەربارەی جێبەجێکردنی "پێواژۆی بۆڵۆنیا لە زانکۆکانی هەرێمی کوردستان" پێشكەشكرا.

کۆمەڵەی خوێندکارانی کوردستان بەردەوامە لە چالاکییەکانی لە سەرجەم ناوەندەکانی خوێندن و زانکۆ و پەیمانگەکان، هەموو ئەو چالاکیانەش لە خزمەتی خوێندکاران و گەیاندنی سوود و زانیارییە بە ئاست و گەشەکردنی توانای مەعریفییان.