کۆمەڵەی خوێندکاران: هاوکاربن لە کۆکردنەوەی زۆرترین پێداویستی بۆ هاونیشتمانیانی چەمچەماڵ

كۆمەڵەی خوێندكارانی كوردستان ستایشی بەدەنگەوەهاتن و كەمپەینە مرۆییەكانی هەموو زانكۆ و دامەزراوە زانستی و پەروەردەییەكانی هەرێمی كوردستان دەكات.

چەند ڕۆژێکە بە كۆكردنەوەی هاوكاری و بەدەمەوەچوونی زیانلێكەوتووەكانی چەمچەماڵ و ئەو كارەساتەی بەسەریاندا هات هەموو زانکۆ و دامەزراوە زانستییەکانی هەرێمی کوردستان لە خەمی هاونیشتمانیاندا بوون، هەربۆیە کۆمەڵەی خویندکارانی کوردستان داواكارە هەموولایەك بەدەم ئەو كەمپەینانەوە بچن و بەهەرشێوەیەك لە توانایاندایە هاونیشتیمانیان لە چەمچەماڵ، لەم دۆخە نەخوازراوە ڕزگار بكەن.

لە سەرەتای هەڵمەتەكانەوە کۆمەڵەی خوێندکارانی کوردستان سەرجەم تیمەكان و ئەندامانی ڕاسپاردووە هاوكار و پشتیوانی هەموو دامەزراوەكانبن، هاوكاریانبن لە كۆكردنەوەی زۆرترین پێداویستی و كەلوپەل تاوەكو بەزووترین كات بگەیەنرێتە زیانلێكەوتووان.