کۆمەڵەی خوێندکاران پشتگیری زانکۆی ڕاپەڕینیان کرد و پلەی دووەمیان لەسەر ئاستی کوردستان بەدەستهێنا

کۆمەڵەی خوێندکارانی کوردستان بەردەوامە لە پاڵپشتیکردنی خوێندکاران و پشتگیرییکردنیان لە هەر پرۆژە و داهێنانێک، بۆ ئەو مەبەستە پشتگیری خوێندکارانی زانکۆی ڕاپەڕینیان کرد و لە پێشبڕکێیەکدا پلەی دووەمیان لەسەر ئاستی زانکۆکانی کوردستان بەدەستهێنا.

بەشی ئەندازیاریی شارستانی لە کۆلێجی ئەندازیاریی زانکۆی ڕاپەڕین، بەشداریی پێشبڕکێیەکیان کرد لە زانکۆی پۆلیتەکنیکی دهۆک لەژێر ناونیشانی ‏ " Popsicle Stick Bridge Competition ". بەڕێوەچوو.

ساڵانە ئەم جۆرە پێشبڕکێیانە لەلایەن(ACI Student chapter)ی زانکۆکانی کوردستان بەبەشداریی ( ٧ ) زانکۆ و ( ٣٠ ) گرووپی جیاواز رێکدەخرێن، بە پشتیوانی و هاوکاریی کۆمەڵەی خوێندکارانی کوردستان، ئەمساڵ کۆلێجی ئەندازیاریی زانکۆی ڕاپەڕین بە چوار گرووپ بەشداریانکرد و توانیان لەسەر ئاستی زانکۆکان پلەی دووەم بەدەستبهێنن.