کۆمەڵەی خوێندکاران سوپاسی هێزە ئەمنییەکان دەکات

بەهۆی بڕێکی زۆر لە باران بارین، لە قەزای چەمچەماڵ و دەوروبەری لاوێکی بەهێز زیانی گیانی و مادی بە هاوڵاتیانی ئەو ناوچەیە گەیاند، بۆ ئەو مەبەستە هێزە ئەمنییەکان خۆیان گەیاندە شارەکە و بەهانای هاوڵاتیانەوە چوون، کۆمەڵەی خوێندکارانیش هەوڵەکانیان بەرز دەنرخێنێت.

لەو نێوانەدا کۆمەڵەی خوێندکارانی کوردستان بە ئەرکی خۆی دەزانێت کە سوپاسی بێ پایانی هێزەكانی كۆماندۆی كوردستان، بەڕێوەبەرایەتیی گشتیی ئۆپەراسیۆنەكانی ئاسایش و سەرجەم دەزگا ئەمنی و فریاگوزارییەكانی سنووری سلێمانی بکات، بەو هۆیەی لە لافاوەكەدا هەڵوێستێكی مێژووییان تۆماركرد و ژمارەیەكی زۆر خوێندكاریان لە خوێندنگەكان رزگاركرد و بەهانایانەوە چوون.

كۆمەڵەی خوێندكارانی كوردستان هیوای سەلامەتی بۆ هەموولایەك دەخوازێت و بۆ هەر ئەركێكی پێویست تیمەكانی ئامادەی هاوكاری و پشتیوانین.

بەهۆی لافاوەکەی قەزای چەمچەماڵەوە دوو کەس گیانیان لە دەستدا کە یەکێکیان خوێندکارێکی تەمەن نۆ ساڵان و پیاوێکی تەمەن 72 ساڵ بوون، 12 کەسیش برینداربوون، جگەلەوەش زیانێکی زۆری مادی بەر ماڵ و دووکانەکانی ئەو شارە کەوت.