"پرۆژەکانمان دەست پێدەکاتەوە"

کۆمەڵەی خوێندکارانی کوردستان هەڵگری ناسنامەی خزمەتە بە گەنج و خوێندکار لە کۆمەڵگەی کوردیدا، بۆ ئەمساڵی نوێی خوێندنیش وەک هەمیشە بە کۆمەڵێك پرۆژە و ئەرکی خزمەتگوزارییانەوە ئامێز بۆ هەموو سێکتەرەکانی خوێندن دەکاتەوە و لە هەم و خەمی خوێندکار دەپرسێتەوە.

لەماوەکانی ڕابردوودا وەک ئاشکرایە کۆمەڵەی خوێندکارانی کوردستان بە چەندین پرۆژەی هەمەجۆر و پڕخزمەت خوێندکارانی بەسەر کردووەتەوە، لە چەشنی دابینکردنی بەشێکی پێداویستییەکانیان و کردنەوەی خولی زانستی و ئەکادیمی، جگەلەوەش لەکۆتایی هەر پرۆژە و چالاکییەکەدا بڕوانامەی بەشداریکردن و ڕێزلێنانی بە خوێندکار و بەشداربووان بەخشیوە.

هێنانی مامۆستای بە ئەزموون و فیگەرە چالاکەکانی نێو کۆمەڵگە یەکێکی دیکە بووە لە کار و چالاکی و پرۆژەکانی کۆمەڵەی خوێندکارانی کوردستان، بۆ ئەوەی لەو ڕێگەیەوە بەشێوەیەکی ورد و درشت خوێندکار تواناکانی خۆی لەگەڵ ئەزموونەکانی ئەو کەسانەدا تێکەڵ بکات و بەرهەمی ڕەنج و ماندووبوونی دەوڵەمەندتر بکات.

وەک پێشتر کۆمەڵەی خوێندکاران بەڵێنەکانی جێبەجێ دەکات و بەکۆمەڵێک پرۆژەی گرنگ و گەورەوە دێتەوە خزمەتی خوێندکارانی کوردستان بەبێ جیاوازی، گوێ بۆ داوا ڕەواکانیان دەگرێت و مافەکانیان بۆ بەرجەستە دەکات.

وێنەی بەشێک لە کار و چالاکی و پرۆژەکانی کۆمەڵەی خوێندکاران