شاڵاو شێخ سەڵاح: داهاتوو ڕوونیدەکاتەوە کێ پارێزەری مافی خوێندکارانە

شاڵاو شێخ سەڵاح، سەرپەرشتیاری بازنەی هەڵبژاردنی یەکێتیی نیشتمانیی کوردستان لە کۆیە لەگەڵ کۆمەڵەی خوێندکارانی کوردستان کۆبووەوە، خوێندکارانی بە بەشێکی زیندو و کاریگەری کۆمەڵگە ناوزەد کرد.

لە بەشێکی قسەکانی لەگەڵ کۆمەڵەی خوێنکاراندا شاڵاو شێخ سەڵاح، ئاماژەی بەوەکرد کە خوێندکاران بەشێکی زیندو و کاریگەری کۆمەڵگەکەمانن و یەکێتی باوەڕی تەواوی بە خەباتی پیشەیی خوێندکاران هەیە، هەمیشە بەشێکبووە لە ئێوە و لە هەناوی وزە و پڕ هێزی ئێوەوە لەدایکبووە.

سەرپەرشتیاری بازنەی هەڵبژاردنی کۆیە باسی لەوەشکرد، سەرۆک بافڵ تەنیا سەرکردەی هەرێمی کوردستان بوو کە لەگەڵ داوا ڕەواکانی خوێندکاران وەستاوەیە و زیاتر لە ٣١ سەعات لەگەڵیاندا دانیشت، ئەو خۆی بە بەشێك لە ئێوە دەزانێت، هەربۆیە جگەلەوەی کێشەکانی چارەسەرکرد، بەڵێنیشیدا لە داهاتوودا بەهەمووشێوەیەک پشتگیریی داوا ڕەواکانتان بکات و پارێزەری مافەکانتان بێت.

لەبارەی کۆمەڵەی خوێندکارانی کوردستانیشەوە، شاڵاو شێخ سەڵاخ روونیکردەوە، ئامانجی کۆمەڵەی خوێندکارانی کوردستان خزمەتکردنی خوێندکارانی کوردستانە بەبێ جیاوازی و دوور لە هەموو پێشینیەکی حیزبی، ئەوەی تاوەکو ئێستا کردوویەتی سەرەتای قۆناغێکی گەورەتر و کاریگەرترە و داهاتوو ڕوونیدەکاتەوە کێ بەرگریکار و پارێزەری مافی خوێندکاران و بەرەوپێشچوونی پەروەردە و زانستە لە هەرێمی کوردستان.