کۆمەڵەی خوێندکاران پیرۆزبایی ساڵیادی دامەزراندن لە زانکۆی سلێمانی دەکات

کۆمەڵەی خوێندکارانی کوردستان بەبۆنەی ساڵیادی دامەزراندنی زانکۆی سلێمانییەوە، پیرۆزبایی لە سەرۆک، مامۆستایان، فەرمانبەران و خوێندکارانی زانکۆی دایک دەکات و پەیامی زانست و پێشكەوتنیان ئاڕاستە دەکات.

لە پەیامەکەیدا کۆمەڵەی خوێندکاران پێشکەوتن و سەرکەوتنی زیاتر بۆ زانکۆی سلێمانی تەمەننا دەکات و وەک چۆن لە ڕابردوودا بەو بەرنامەیە کاریان کردووە.

"زانکۆی سلێمانی لە سەرەتای دامەزراندنییەوە چرای زانست و پێشکەوتن بووە، دەیان ساڵە ناوەندێکی گرنگ و کاریگەربووە لە پێگەیاندنی نەوە یەک لەدوای یەکەکانی کوردستان، کە ئەمڕۆ بەخۆشحاڵییەوە لە بوارە جیاوازەکاندا خزمەت دەکەن و داهاتووی کوردستان بونیاددەنێن".

کۆمەڵەی خوێندکارانی کوردستان شانازی دەکات کە هەمیشە هەوڵ و پرۆژەکانی لەخزمەت زانکۆی دایک و خوێندکارە خۆشەویستەکانیدا بووە، بێگومان بۆ ساڵی نوێی خوێندنیش بە بەرنامە و پرۆژەی جیاواز و کاریگەرەوە بەردەوام دەبێت و پێکەوە لەپێناو پێشکەوتنی زانست و داهاتوویەکی پرشنگدارتردا هەنگاودەنێن.