ئیڤێنتی UniTalent بۆ کارسازی و داهێنان بەڕێوەدەچێت

زانکۆی ڕاپەڕین و دامەزراوەی Talent hub بە هاوبەشیی کۆمەڵەی خوێندکارانی کوردستان یەکەمین ئیڤێنتی UniTalent بە ئامانجی بەرەوپێشبردنی بیرۆکەی داهێنەرانە و کارسازی رێكدەخەن.

لە ئیڤێنتەكەدا چوار وۆرک شۆپی تایبەت بە کارسازی و گەشەپێدانی بیرۆکەی داهێنەرانە لە رانیە و قەڵادزێ‌ رادەگەیەندرێت، پانێلێكی تایبەت بەو پرسەش بە بەشداریی پسپۆڕان و مامۆستایانی زانکۆ لە ئیڤێنتەكەدا پێشکەش دەکرێت.

ئەم ئیڤێنتە دەرفەتێكی ناوازەیە بۆ گەنجان و سەرجەم خوێندکارانی زانکۆ و پەیمانگاکانی سنووری راپەڕین، جگەلەوەش دەرچووانی زانکۆی راپەڕین و دەرچووانی زانکۆ و پەیمانگاکانی سنوورەکە دەتوانن لە ئیڤێنتەکەدا بەشداری بکەن.

ئیڤێنتەکە لە ڕۆژی دووشەممە (20/10/2025) کاتژمێر 10ی سەرلەبەیانی لە زانکۆی ڕاپەڕین- کەمپەسی ڕانیە بەڕێوەدەچێت.

بۆ بەشداریکردن ئەم فۆڕمە پڕبكەرەوە

https://forms.gle/HyxFmw1XdvPtU6v17