پێشبڕكێ جیهانییەکەی ناسا لە سلێمانی ئەنجامدرا

لە سلێمانی گەورەترین پێشبڕکێی جیهانی لە بوارەکانی تەکنۆلۆجیا و بۆشایی ئاسمان ئەنجام درا و کۆمەڵەی خوێندکارانی کوردستانیش میوانداریی ئەو پێشبڕکێیەی کرد کە ناسا بۆ هاوبەشەکانی ڕێکخیستبوو.

بۆ یەکەمجارە لە هەرێمی کوردستان و دووەمجارە لە عێراق ناسا پێشبڕکێیەکی گەورەی جیهانی ڕێکخدەخات، کۆمەڵەی خوێندکارانی کوردستانیش وەک هەمیشە پاڵپشتی زانستخوازان و خوێندکارانە، بۆ ئەو مەبەستە میواندارییەکەی لە سلێمانی بۆ ئەو پێشبڕکێ زانستییە گەورەیە ساز و ئامادەکرد.

ئەو پێشبڕکێیە لەژێر ناوی (Nasa Intrenational space Apps Challenge-  Slemani ) بەڕێوەدەچێت، کە پێشبڕکێیەکی ساڵانەی جیهانییە، ماوەی دوو ڕۆژ دەخایەنێت و لە رۆژانی (4 و 5ی تشرینی یەکەم) لە هۆڵی تایتانیک ئەنجام درا.

لە قۆناغی یەکەمی پێشبڕکێکەی ناسادا، 10 تیم بەشداریی دەکەن و هەر تیمێک ئاڵنگارییەک ئەنجام دەدات، بۆ ئەوەی بتوانن سەرکەوتووببن و لە قۆناغی دواتردا بەشداریی لە پێشبڕکێی گەورەی جیهاندا بکەن.

ئاڵنگارییەکان لەلایەن تیمەکانی ناساوە دیاریی دەکرێن و بەشداربووانیش کار لەسەر گەشەپێدانی سیستمەکان و نەرمە کاڵا و دەکەن و ئەو داتا و زانیارییانە بەکاردەهێنن کە سەرچاوەکانیان کۆمپانیای ناسایە.

ئەو تیمەی ناسا چەند مامۆستایەکی سەرپەرشتیار هاوکاریان دەبێت بۆ هەڵسەنگاندنی ئاستی تیمەکان کە لەو 10 تیمە تەنها یەک تیمیان دەمێنێتەوە، بۆ ئەوەی لە داهاتوودا بەشداریی پێشبڕکێی جیهانیی بکات.