کۆمەڵەی خوێندکاران میوانداریی پێشبڕکێیەکی جیهانیی ناسا دەکات

لە ئیڤێنتێکی گەورە و زانستیدا کۆمەڵەی خوێندکارانی کوردستان میوانداریی پێشبڕکێیەکی جیهانیی ناسا دەکات، پێشبڕکێکە بۆ یەکەمجارە لە هەرێمی کوردستان ئەنجام دەدرێت و لە سلێمانی بەڕێوەدەچێت.

ئەو پێشبڕکێیە لەژێر ناوی (Nasa Intrenational space Apps Challenge-  Slemani ) بەڕێوەدەچێت، کە پێشبڕکێیەکی ساڵانەی جیهانییە، پێشتر لە عێراق ئەنجامدراوە و لە هەرێمی کوردستانیش بۆ یەکەمجار لە سلێمانی کۆمەڵەی خوێندکارانی کوردستان ڕێکیدەخات، ماوەی دوو ڕۆژ دەخایەنێت و لە رۆژانی (4 و 5ی تشرینی یەکەم) لە هۆڵی تایتانیک ئەنجام دەدرێت.

لە قۆناغی یەکەمی پێشبڕکێکەی ناسادا، 10 تیم بەشداریی دەکەن و هەر تیمێک ئاڵنگارییەک ئەنجام دەدات، بۆ ئەوەی بتوانن سەرکەوتووببن و لە قۆناغی دواتردا بەشداریی لە پێشبڕکێی گەورەی جیهاندا بکەن.

ئاڵنگارییەکان لەلایەن تیمەکانی ناساوە دیاریی دەکرێن و بەشداربووانیش کار لەسەر گەشەپێدانی سیستمەکان و نەرمە کاڵا و دەکەن و ئەو داتا و زانیارییانە بەکاردەهێنن کە سەرچاوەکانیان کۆمپانیای ناسایە.

ئەو تیمەی ناسا چەند مامۆستایەکی سەرپەرشتیار هاوکاریان دەبێت بۆ هەڵسەنگاندنی ئاستی تیمەکان کە لەو 10 تیمە تەنها یەک تیمیان دەمێنێتەوە، بۆ ئەوەی لە داهاتوودا بەشداریی پێشبڕکێی جیهانیی بکات.

ئەو بابەتانەی ناسا لە پێشبڕکێکەدا دیاریی کردوون