کۆمەڵەی خوێندکاران ئەندامە دێرینەکانی لەبیر ناکات

لە بینای سەرەکی کۆمەڵەی خوێندکارانی کوردستان، پێشوازی لە ئەندامە دێرینەکانی کۆمەڵەی خوێندکاران کرا و بەهۆی هەوڵە بێوچانەکانیان لە ڕابردوودا، ڕێزیان لێنرا.

وەک وەفایەک بۆ دڵسۆزی ئەندامە دێرینەکانی، کۆمەڵەی خوێندکارانی کوردستان لە بینای سەرەکی خۆیاندا پێشوازییان لە کۆمەڵێک ئەندامیان کرد کە لە ساڵانی ڕابردوودا لەڕێگەی ئەو ڕێکخراوەوە خزمەتیان بە کۆمەڵگە کردووە.

ئەو ئەندامە دێرینانە لە ساڵەکانی ڕابردوودا لە کەرتی پەروەردە و سێکتەرە جیاوازەکانی دیکەی ئەم کۆمەڵگەیەدا ڕۆڵی بەرچاویان هەبووە و جێپەنجەیان لە خزمەتکردن جێهێشتووە، بەو هۆیەوە کۆمەڵەی خوێندکارانی کوردستان سوپاس و پێزانینی ئاڕاستە کردن و سوپاسنامەی پێشکەشکردن.

لەلایەکی دیکەوە ئەو ئەندامە دێرینانەی کۆمەڵەی خوێندکارانی کوردستان ڕاوسەرنجی خۆیان لەسەر کارەکانی ئێستا دەربڕی و بە بایەخەوە گوێ بۆ بۆچوون و سەرنجەکانیان ڕاگیرا، جگەلەوەش قسەکانیان بە هەند وەرگیران بۆ باشترکردنی کارەکانی کۆمەڵەی خوێندکاران لە داهاتوودا.