بە دوو پانێڵی جیاواز زانکۆی ڕاپەڕین ئامێزی بۆ وۆرک شۆپێکی زانستیی کردەوە

کۆمەڵەی خوێندکاران

وۆرک شۆپێکی زانستی لە زانکۆی ڕاپەڕین بە ناونیشانی "کێشە دەروونی و کۆمەڵاتییەکان و کاریگەرییان لەسەر تاک" ئەنجامدرا، وۆرک شۆپەکە بەهاوبەشی هەریەکە لە کۆمەڵەی خوێندکارانی کوردستان و بەڕێوەبەرایەتی سەنتەری ڕاوێژکاری دەروونی و کۆمەڵایەتی زانکۆی ڕاپەڕین ڕێکخرابوو.

لەهۆڵی کۆلێجی زانستی زانکۆی ڕاپەڕین بە دوو پانێڵی جیاواز و لەژێر چەتری پێنج سیمیناردا وۆرک شۆپەکە بەڕێوەچوو، جگەلەوەش لەکۆتاییدا بڕوانامە بە بەشداربووان بەخشرا.

لە پانـێڵی یەکەمدا کە لەلایەن(ژیار حسێن وسو) بەڕێوەبرا، دوو سیمینار پێشکەشکران، سیمیناری یەکەم (ژیر سەعید) پێشکەشی کرد و دەربارەی (ڕۆڵی سپارک لە پێشخستنی ئاشتی لە ڕێگەی میانڕەوی و بەهێزکردنی خۆڕاگری گەنجان لە هەرێمی کوردستان)، گەنگەشەی کرد.

لە سیمیناری دووەمدا دەربارەی (ڕۆڵی زانکۆ لە پەرەپێدانی دەروونساغی) لەلایەن (پ.ی.د.ڕوخسار محەمەد عومەر) پێشکەشکرا.

پانێڵی دووەم (م.ساڵح عەبدوڵڵا بابەکر) بەڕێوەی برد و خۆی لە پێشکەشکردنی سێ سیمیناردا بینییەوە، سیمیناری یەکەم تایبەت بوو بە (م.ی.ئەمین خدر ئەحمەد) لەژێر ناونیشانی "لێکەوتەکانی کێشە دەروونی و کۆمەڵایەتییەکان".

سیمیناری دووەم دەربارەی (تاوانەکانی خراپ بەکارهێنانی ئامێرەکانی پەیوەندیکردن) بوو کە (م.ی.هێمن حەمد ئەمین ئیبراهیم) بۆ بەشداربووان و ئامادەبووانی ڕوونکردەوە.

کۆتا سیمیناریش (جوتیار فەتاح قادر) دەربارەی (هۆکار و چارەسەری کێشە کۆمەڵایەتییەکان) پێشکەشی کرد.

ئەنجامدانی ئەم وۆرک شۆپە لە چوارچێوەی کارەکانی کۆمەڵەی خوێندکارانی کوردستاندایە، بۆ زیاتر بەرەو پێشچوونی ئاستی تاک و گەشەکردنی توانای زانستیی و مەعریفی خوێندکار.