دیبەیتی کڵەبی کۆمەڵەی خوێندکاران لە زانکۆی سلێمانی بەڕێوەچوو

کۆمەڵەی خوێندکاران

لە چوارچێوەی کڵەبەکانی کۆمەڵەی خوێندکاراندا، دووەمین دیبەیتی کڵەبی دیبەیتی کۆمەڵەی خوێندکارانی کوردستان لە زانکۆی سلێمانی بەڕێوەچوو.

لەو دیبەیتەدا بەڕێز ستەم کامیل، مامۆستا لە بەشی سیاسەت و پەیوەندییە نێودەوڵەتییەکانی زانکۆی سلێمانی، بەشداریی کرد و گفتوگۆیەکی زانستیانەی لەگەڵ خوێندکاراندا شەن و کەو کرد.

دیبەیتەکە لەژێر ناونیشانی "سیاسەت چییە؟ کردەیەکی عەقڵانییە یاخود کردەیەکە لەسەر بنەما مۆراڵی و ئەخلاقییەکان" بەڕێوەچوو، تێیدا خوێندکاران گفتوگۆی وردیان لەبارەی ئەو بابەتەوە کرد و ڕاوسەرنجەکانی خۆیان خستەڕوو.

بە ئامانجی گەیاندنی سوود و زانیاریی هەمەچەشن بە خوێندکاران، دیبەیتی کڵەبەکانی کۆمەڵەی خوێندکارانی کوردستان بەردەوامیی هەیە و لەو ڕێگەیەوە خزمەتی زانستی بە خوێندکاران دەکات.