کۆمەڵەی خوێندکاران لە زانکۆی ڕاپەڕین پڕۆژەیەکی گرنگی ڕاگەیاند

کۆمەڵەی خوێندکاران
کار و چالاکییەکانی کۆمەڵەی خوێندکارانی کوردستان بەردەوامی هەیە، بۆ ئەو مەبەستە پڕۆژەیەکی گرنگی لە زانکۆی ڕاپەڕین ڕاگەیاند.

بەهاوبەشی لەگەڵ زانکۆی ڕاپەڕین، کۆمەڵەی خوێندکارانی کوردستان پڕۆژەیەکی لەژێر ناونیشانی "گۆشەی خوێندکاران" ڕاگەیاند، ئەو پڕۆژەیە لە ماوەیەکی نزیکەدا دەچێتە بواری جێبەجێکردنەوە و دەست بەکارەکانی دەکات.

گەڵاڵەبوونی بیرۆکەی "گۆشەی خوێندکاران" ئامانجێکی گەورەی لە پشتەوەیە و لەگەڵ جێبەجێکردنیدا، مەبەستیەتی زۆررترین خوێندکار لای خۆی کۆبکاتەوە و ڕۆڵی گەورەیان پێببەخشێت لە بەشداریکردنیان لە چالاکییە زانستی و ئەکادیمییەکاندا، ئەم پرۆژەیە بەهەماهەنگییە لەگەڵ سەنتەری پەرەپێدانی کاردا.