وێنە ریلز بۆنەکان هەواڵ

د.هاوڕێ دارۆ شێخ نوری پشتیوانیکردنی کۆمەڵەی خوێندکارانی دووپاتکردەوە

کۆمەڵەی خوێندکاران

لە سەردانێکیدا بۆ باڵەخانەی سەرەکی کۆمەڵەی خوێندکارانی کوردستان، د.هاوڕێ دارۆ شێخ نوری پشتیوانی کۆمەڵەی کرد و ستایشی کار و پرۆژەکانی کردن.

لە کۆبوونەوەیەکدا د.هاوڕێ دارۆ شێخ نوری ئەندامی مەکتەبی سیاسی یەکێتیی نیشتمانیی کوردستان و ئاسۆس عەلی ئەندامی پێشووی سەرکردایەتی یەکێتی، لەگەڵ ئاران غەفور و ستافی کۆمەڵەی خوێندکاراندا تاووتوێی کاروبارەکانی خوێندکاران و ئیشوکارەکانی کۆمەڵەیان کرد.

لەلایەکی دیکەوە د.هاوڕێ بەڵێنی پشتیوانی و پاڵپشتی زۆرتری بۆ کۆمەڵەی خوێندکاران دووپاتکردەوە و ستایشی کار و چالاکییەکانی کردن، ئامانج لەو سەردانەش خزمەتی زیاتری خوێندکاران و کارکردن بوو بۆ بەرەو پێشچوونی ڕەوتی زانست و پەروەردە.

لەدوایین گفتوگۆکانی کۆبوونەوەکەدا هەنگاو و ستراتیژی کۆمەڵەی خوێندکارانی کوردستان بۆ کار و پرۆژەی گەورەتر و بەهێزتر لە داهاتوودا گفتوگۆیان لەبارەوە کرا.

رێکەوت: 05/05/2025 || 02:01
هەواڵی زیاتر