وێنە ریلز بۆنەکان هەواڵ

پارێزگاری کەرکوک: هیوادارم بەردەوامبن لە پاڵپشتیکردن و سەرخستنی پرۆسەی پەروەردە و فێرکردن


ڕێبوار تەها پارێزگاری کەرکوک پیرۆزبایی لە کۆمەڵەی خوێندکارانی کوردستان کرد و هیوای خواست ئەو دامەزراوەیە بەردەوام بێت لە پاڵپشتیکردن و سەرخستنی پرۆسەی پەروەردە و فێرکردن.

بەبۆنەی (٤٩)یەمین ساڵەی دامه‌زراندنی كۆمه‌ڵه‌ی خوێندکارانی کوردستان، پیرۆزبایی له سەرپەرشتیار و ئه‌ندامانی كۆمه‌ڵه‌ی خوێندكارانی كوردستان دەكەم.

جێگای شانازییه‌ ‌ ئه‌مڕۆ یادی ڕێكخراوێك ده‌كه‌ینه‌وه‌ کە خاوەنی تەمەنێكی زێڕینە لەكاری ڕێكخراوەییدا و ڕۆڵی به‌رچاوی هەبووە لە خزمەتكردنی خوێندكاران و ناوەندێكیش بووە بۆ پێگەیاندنی دەیان كەسایەتی سیاسی كه ئێستا لەمەیدانی سیاسیدا خزمەت دەكەن، هەمیشە شانازیش بەوەوە دەكەم كە ڕۆژانێك لەڕیزی ئەو ڕێكخراوەدا خزماتمان كردووە و هەموو كاتێكیش نزیك بوومە لە هەڤاڵان و كادیرانی خوێندكاران.

كۆمەڵەی خوێندكاران لە هەموو قۆناغەكاندا ڕێكخراوێكی چالاك و ڕچەشكێن بووە و بە دونیابینی نوێ-وە پشتیوانی لە ناوەندە زانستییەكان و ناوەندەكانی خوێندن كردووە.

دووبارە پیرۆزبێت ساڵیادی دامەزراندنی كۆمەڵەی خوێندكارانی كوردستان، بەهیوام وەك هەمیشە بەردەوامبن لەپاڵپشتیكردن و سەرخستنی پڕۆسەی پەروەردەو فێركردن.

 

رێکەوت: 30/04/2025 || 11:27
هەواڵی زیاتر