ئەو خوێندکارەی پێشبڕکێیەکی نێودەوڵەتی بردەوە لە کۆمەڵەی خوێندکاران خەڵاتکرا

كۆمەڵەی خوێندكاران خەڵاتی رێزلێنانی بەخشییە لاوی هەرێز، ئەو خوێندكارەی لە پێشبڕكێی نێودەوڵەتیی بیركاریی هزری پلەی یەكەمی لەسەر ئاستی جیهان بەدەستهێنا.

جگە لە لاوی هەرێز، کۆمەڵەی خوێندکاران خەڵاتی ڕێزلێنانیان بەخشیە مامۆستا بەڵێن هەورامی کە سەرپەرشتیاری ئەو خوێندکارەیە لە پەیمانگەی سلێمانی.

پێشبڕكێكە لە بەغدادی پایتەختی عێراق بەڕێوەچوو، ٤٥٠ منداڵ لە ١٦ وڵاتی جیهانەوە بەشدارییان تێداکرد.

لەو سەروبەندەدا كۆمەڵەی خوێندكاران خەڵاتی تایبەتی بەخشیە خوێندکارێکی دیکە بە ناوی عەبدوڵڵا پێشەوا كە لە پێشبڕكێكەدا پلەی دووەمی بەدەستهێنا، لەو چوارچێوەیەشدا مامۆستا پێشواز شەفیقی سەرپەرشتیاری ئەو خوێندکارە لە قوتابخانەی كوردستانی ئایندە لە شاری هەولێر. خەڵاتی ڕێزلێنانی کۆمەڵەی خوێندکارانی وەرگرت.