کۆمەڵەی خوێندکاران سیستمێکی پێشکەوتوو پێشکەشی حەوت پەیمانگە و زانکۆ دەکات

لە چوارچێوەی کار و چالاکییەکانیدا کۆمەڵەی خوێندکارانی کوردستان لە ڕێوەڕەسمێکی تایبەت و زانستیدا، سیستمی ژمێریاری ((Accounting by Computer) پێشکەشی حەوت پەیمانگە و زانکۆ دەکات.

ئامانج لەو سیستمە بەکردەییکردنی وانەی ژمێریارییە بۆ خوێندکاران، تاوەکو بتوانن لە داهاتوودا و لە بازاڕی کاردا دەستەووەسان نەبن و ئامادەکاریی تەواویان کردبێت، بۆ ئەوەی بە پڕ زانیارییەوە هەلی کار وەچنگ بخەن.

لەو ڕێوڕەسمەدا و بە ئامادەبوونی شارەزایان و پسپۆڕان و مامۆستایانی زانکۆ و پەیمانگەکان، سیستمی  (Accounting by Computer) پێشکەشی حەوت پەیمانگە و زانکۆی پۆلیتەکنیکی سلێمانی کرا.

بۆ یەکەمجارە لەسەر ئاستی هەرێمی کوردستان کار بە سیستمێکی پێشکەوتووی لەو جۆرە دەکرێت، بەڵام کۆمەڵەی خوێندکاران بۆ گەشەکردنی ئاستی زانستی و بەرەوپێشبردنی ڕەوتی خوێندن و خزمەتکردنی چینی خوێندکاران، ئەو هەنگاوە گەورەیەی ناوە و ئیدی لەمەودوا لە پەیمانگە و زانکۆی پۆلیتەکنیکی سلێمانی کاری پێدەکرێت.

سیستمەکە بۆ یەکەمجارە لەسەر ئاستی کوردستان کاری پێبکرێت و کۆمەڵەی خوێندکاران بۆ بەرەوپێشبردنی رەوتی خوێندن و خزمەتی خوێندکاران دابینیکردووە، تاوەکو بەشێوەیەکی کردەیی وانەی ژمێریاری بخوێنن و ئامادەبن بۆ بازاڕی کار لە داهاتوودا.

سیستمی  (Accounting by Computer)ناوەندی ژمارە ئێکس پەرەی پێداوە و لە داهاتوودا بۆ سەرجەم زانکۆ و پەیمانگەکانی دیکەی هەرێمی کوردستان دابیندەکرێت.