کۆمەڵەی خوێندکاران-

لە سەركەوتنێكی بێوێنەدا، چوار خوێندكاری بەهرەمەندی كورد لە زانكۆی گەشەپێدانی مرۆیی توانیان مێژوویەكی نوێ تۆمار بكەن. هەریەكە لە محمد عبداللە، ئەرین ئومێد، عبداللە تەها و ڕەوەز مەنسور، كە خوێندكاری بەشی تەكنەلۆجیای زانیارین، بە بەدەستهێنانی پلەی یەكەم لە پێشبڕكێی ICTی كۆمپانیای هواوی لەسەر ئاستی عێراق، توانیان ناوی كوردستان بەرز ڕابگرن.

ئەم تیمە بەهرەمەندە نەك تەنها لەسەر ئاستی عێراق، بەڵكو لە كێبڕكێی زانكۆكانی ڕۆژهەڵاتی ناوەڕاست و ئاسیای ناوەڕاستیش توانیان سەركەوتنێكی گەورە تۆمار بكەن. بەهۆی ئەم سەركەوتنە بەرچاوەشیان، بەمەبەستی خەڵاتكردنیان لەلایەن كۆمپانیای هواویەوە بانگهێشتی سعودیە كراون.

خەونی ئەو خوێندكارانەش دوای ئەو سەركەوتنە گەیشتنیانە بە كێبڕكێی جیهانیی كە بڕیارە لە مانگی پێنجی ساڵی داهاتوو لە وڵاتی چین بەڕێوەبچێت، ئەمەش دەرفەتێكی زێڕینە بۆ نیشاندانی توانا و بەهرەی گەنجانی كورد لەسەر ئاستی جیهانی.

ئەم سەركەوتنە نیشانەی پێشكەوتنی بەردەوامی كەرتی خوێندنی باڵا و توانای زانستی خوێندكارانی كوردە لە بواری تەكنەلۆجیای زانیاریدا، كە دەتوانن كێبڕكێ لەگەڵ باشترین زانكۆكانی جیهان بكەن.