وێنە ریلز بۆنەکان هەواڵ

پێشبڕکێیەک بۆ خوێندنەوەی کتێب لە سلێمانی ڕێخکرا

لە چوارچێوەی کار و چالاکییەکانی کۆمەڵەی خوێندکارانی کوردستان و بە هاوبەشی لەگەڵ خوێندنگەی ئامادەیی زنار، لە سلێمانی پێشبڕکێیەک بۆ خوێندنەوەی کتێب ڕێخکرا.

 

 ئەو چالاکییە بە بەشداریی 26 خوێندکار بەڕێوەچوو، تێیدا ماوەی دوو مانگی خایاند و دواجار پێشبڕکێی خوێندنەوەی کتێب کۆتاییهات، بۆ ئەو مەبەستەش لەلایەن کۆمەڵەی خوێندکارانی کوردستانەوە خەڵات بەسەر خوێندکارە بەشداربووە سەرکەوتووەکاندا دابەشکرا.

 

ئەو پێشبڕکێیەی بە هاوبەشی کۆمەڵەی خوێندکارانی کوردستان و خوێندنگەی زنار لە سلێمانی، بە ئامانجی هۆشیارکردنەوە و هاندانی خوێندکاران بوو لەسەر بنەمای خوێندنەوەی کتێب و برەودان بە بەردەوامی خوێندنەوە، چونکە هەمووان دەزانن خوێندنەوەی کتێب ئاستی مەعریفی و پاشبنەمای خوێندکار بەهێزتر دەکات و کەسایەتییەکی بەهێز و رۆشنبیری پێدەبەخشێت.

رێکەوت: 24/05/2026 || 02:16
هەواڵی زیاتر