خولێک بۆ "خوێندکاری سەرکردە" دەکرێتەوە

لە چوارچێوەی کار و پرۆژەکانی کۆمەڵەی خوێندکاران و بە ئامانجی دروستکردنی خوێندکاری سەرکەوتوو، کۆمەڵەی خوێندکاران و سەنتەری گەشەپێدان بۆ کار لە زانکۆی ڕاپەڕین، خولێکی گەورە بۆ خوێندکاران دەکەنەوە.

لەژێر ناونیشانی "خوێندکاری سەرکردە"، کۆمەڵەی خوێندکاران و سەنتەری گەشەپێدان بۆ کار لە زانکۆی ڕاپەڕین خولێکی گەورە و گشتگیر دەکەنەوە، هەموو خوێندکارێک دەتوانێت لە هەر ئاستێکی خوێندندا بێت بەشداریی تێدا بکات.

خولی "خوێندکاری سەرکردە" ماوەی چوار ڕۆژ دەخایەنێت و کۆمەڵێک بابەتی گرنگی تایبەت بە سەرکردایەتی گفتوگۆی لەبارەوە دەکرێت، جگەلەوەش خوێندکاری بەشداربوو لەکۆتایی خولەکەدا بڕوانامەی پێدەبەخشرێت.
رۆژی دووشەممە (21/7/2025) خولەکە لە زانکۆی ڕاپەڕین- کەمپی ڕانیە دەست پێدەکات.

هەر خوێندکارێک خوازیاریی بەشداریکردنە، دەتوانێت لەڕێگەی ئەم گۆگڵ فۆڕمە ناوی خۆی بۆ خولە تۆمار بکات (https://forms.gle/3SdFDgCAqfjCiDmu7)