دیالۆگی ئەم جارەی زنجیرەی ڕۆشنبیری زاڵبوون بوو بەسەر خووە نەرێنییەکانی گەنجاندا

خوێندکارانی کۆلێج و پەیمانگەکانی سنووری هەولێر لە بەڕێوەچوونی زنجیرەی رۆشنبیری بەشداربوون، کە هەر جارە لەسەر بابەتێک دیالۆگ و گفتوگۆ دەکەن، کۆمەڵەی خوێندکارانی کوردستانیش پاڵپشت و هەمانگیانە.

کۆمەڵەی خوێندکاران لە هەولێر زنجیرەی ڕۆشنبیری بەڕێوەبرد و تیایدا کۆمەڵێک خوێندکار بەشداربوون، بابەتی سەرەکی زنجیرەکە دیالۆگێکی تایبەت بوو لەسەر (خووە نەرێنییەکانی گەنجان)، بەو هۆیەوە خوێندکاران و گەنجان پێکەوە تاووتوێی ئەو پرسەیان کرد و شەن و کەویان کرد.

لەو دیالۆگەدا پەنجە خرایە سەر هەموو پنتەکانی (خووە نەرێنییەکانی گەنجان) و کاریگەریی ئەو بابەتە لەسەر تواناکانی گەنج و خوێندکاران، لەلایەکی دیکەشەوە باس لەوە کرا کە چۆن هۆشیار بکرێنەوە بۆ ئەوەی لەگەڵ تێپەڕاندنی ئەو ئاستەنگەدا خۆیان بگونجێنن، بە ڕاوێژ لەگەڵ خێزان و ناوەندەکانی خوێندندا.

ئامانجی کۆمەڵەی خوێندکاران لە ئەنجامدانی زنجیرەی ڕۆشنبیری، کۆنترۆڵکردنی هەموو ئەو بارە نالەبەرانەیە کە بەسەر شانی خوێندکارانەوەن، بەو هۆیەوە کاردەکات لەسەر ئەوەی خوێندکاران بتوانن کەسایەتییەکی بەهێزیان هەبێت و هەموو ئاریشە و بەربەستەکانی بەردەمیان تێبپەڕێنن.