کۆرسی سکۆلەرشیپە نێودەوڵەتییەکان و خوێندن لە دەرەوەی وڵات بەردەوامە

کۆمەڵەی خوێندکارانی کوردستان لە بینای سەرەکی خۆیدا بەردەوامە لە وتنەوەی وانەی کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، بۆ ئەو مەبەستە زۆرێک لە خوێندکاران بەشدارییان تێدا کرد.

رۆژی یەکەم و دووەمی وتنەوەی کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، بەشێوەیەکی ئەکادیمی و چڕوپڕ بەڕێوەچوون، بەو هۆیەوە 47 خوێندکار بەشدارییان کرد و سوودمەندبوون لە وەرگرتنی وانەکان.

ئەو خوێندکارانە لەسەرجەم کۆلێج و بەشە جیاوازەکانی زانکۆکانەوە لە بینای کۆمەڵەی خوێندکاران ئامادەبوون و کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، وەک وانەیەکی تایبەت و گرنگ وەرگرت.

لەماوەی ڕابردوودا و لە سیمینارێکدا زیاتر لە 60 خوێندکار بەشدارییان کرد و بە هەموو تایبەتمەندییەکانی کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، ئاشنا کران.

کۆمەڵەی خوێندکارانی کوردستان ئەم کۆرسە لەڕێگەی مامۆستا ئاوات سەردار محەمەد، کە خاوەنی زیاتر لە شەش ساڵ ئەزموونە لەو بوارەدا، بە خوێندکاران و خوازیارانی خوێندنی باڵا دەڵێتەوە و دەتوانن هەمووان لە بینای سەرەکی کۆمەڵەی خوێندکاران بەشداریی بکەن، کۆرسەکەش ماوەی سێ ڕۆژ دەخایەنێت.