کۆرسی سکۆلەرشیپە نێودەوڵەتییەکان و خوێندن لە دەرەوەی وڵات دەستپێدەکات

لە بینای کۆمەڵەی خوێندکارانی کوردستان کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، دەستپێدەکات و مامۆستایەکی بەتوانا کۆرسەکە بە خوێندکاران و خوازیارانی خوێندنی باڵا دەڵێتەوە.

لە چەند ڕۆژی رابردوودا کۆمەڵەی خوێندکارانی کوردستان سیمینارێکی تایبەت و گرنگی لەسەر (کۆرسی سکۆلەرشیپە نێودەوڵەتییەکان و خوێندن لە دەرەوەی وڵات) بۆ چەند خوێندکارێک ڕێکخست، بەو هۆیەوە پرۆگرامێکی بەهێز لەژێر ئەو ناونیشانەدا پێشکەشکرا و وردودرشتی ئەو بابەتە بۆ خوێندکاران شیتەڵ کرا.

لەو سیمینارەدا زیاتر لە 60 خوێندکار بەشدارییان کرد و بە هەموو تایبەتمەندییەکانی کۆرسی سکۆلەرشیپە نێودەوڵەتییەکان و خوێندن لە دەرەوەی وڵات، ئاشنا کران.

لەئێستادا کۆمەڵەی خوێندکارانی کوردستان لەڕێگەی مامۆستا ئاوات سەردار محەمەد، کە خاوەنی زیاتر لە شەش ساڵ ئەزموونە لەو بوارەدا، کۆرسێکی تایبەت بۆ خوێندکاران و خوازیارانی خوێندنی باڵا دەکاتەوە و دەتوانن لە بینای سەرەکی کۆمەڵەی خوێندکاران بەشداریی بکەن، کۆرسەکەش ماوەی سێ ڕۆژ دەخایەنێت.