خولی یەکەمی کۆرسی (نووسین و بڵاوکردنەوەی توێژینەوەی زانستی) بەسەرکەوتوویی بەڕێوەچوو

کۆمەڵەی خوێندکارانی کوردستان لە ئۆفیسی سەرەکی خۆیدا خولی یەکەمی کۆرسی (نووسین و بڵاوکردنەوەی توێژینەوەی زانستی) بەسەرکەوتوویی ئەنجامدا، تێیدا چەندین خوێندکار لەسەر ئاستە جیاوازەکانی خوێندن بەشدارییان کرد.

ماوەی چەند ڕۆژێکە کۆرسی (نووسین و بڵاوکردنەوەی توێژینەوەی زانستی) بەسەرپەرشتی کۆمەڵەی خوێندکاران و لەژێر ڕۆشنایی وانەی تایبەت بەو کۆرسانە لەلایەن پ.ی د.سوارە جەلال محەمەد مامۆستا لە زانکۆی سلێمانی، دەوترێتەوە و بەڕێوەدەچێت.

ئامانج لەم خولە پێگەیاندنی ئاستی ڕۆشنبیری و فیکری و زانستی خوێندکارە، بۆئەوەی لە داهاتوودا بتوانێت بەشێوەیەکی ئەکادیمی ئاشناببێت بە نووسین و بڵاوکردنەوەی توێژینەوەی زانستی. 

بەشداریکردن لەم کۆرسانەی کۆمەڵەی خوێندکارانی کوردستان بەبێبەرانبەرە و فێرخواز ڕاستەوخۆ دوای کۆتاییهاتنی کۆرسی نووسین و بڵاوکردنەوەی توێژینەوەی زانستی، بڕوانامە وەردەگرێت.