بەڕێوەچوونی مەراسیمی یۆبیلی زێڕینی 50 ساڵەی کۆمەڵەی خوێندکاران لە هەولێر

کۆمەڵەی خوێندکارانی کوردستان یادی 50 ساڵەی کردەوە، بۆ ئەو مەبەستە لە سلێمانی و زۆرێک لە بازنەکانی دیکەی لە شار و شارۆچکەکان ئاهەنگی بەڕێوەچوونی ئەو یادەیان گێڕا.

لە هەولێر کۆمەڵەی خوێندکارانی کوردستان یۆبیلی زێڕینی 50 ساڵە پیرۆزکرا و زۆرێک لە میوانانی حزبی و حکومی سەردانی ئەو بازنەیەیان کرد و یادەکەیان لەگەڵ ستافە ماندوونەناسەکە کردەوە.

کۆمەڵەی خوێندکارانی کوردستان بەڵێنی داوە هەردەم خزمەتی خوێندن و زانستی و خوێندکار بکات لەهەر سێکتەرێکی خوێندندا بێت (خوێندنی باڵا و پەرورەردە)، هەربۆیە مەبەستیانە لەدوای 50 ساڵ لە لەدایکبوونی ئەم ڕێخکراوە دێرینە، بەکاری گەورەتر و باشترەوە لە مەیدانی زانستو فێربووندا خزمەت بکەن.