کۆمەڵەی خوێندکارانی کوردستان بەشداربوو لە دیداری ئەکادیمیی ئاشتی بۆ ڕۆژاڤا

کۆمەڵەی خوێندکارانی کوردستان بەشداریی لە (دیداری ئەکادیمیی ئاشتی بۆ ڕۆژاڤا) کرد، کە دیدارەکە بە هاوبەشیی لەلایەن زانکۆی ڕاپەڕین، زانکۆی گەرمیان، زانکۆی رۆژاڤا و کۆمەڵێک دامەزراوە و کەسایەتیی ئەکادیمی و زانستیی جیهانی رێکخراوە.

بەشداریکردنی کۆمەڵەی خوێندکاران لە (دیداری ئەکادیمیی ئاشتی بۆ ڕۆژاڤا) بە ئامانجی پەرەپێدانی پەیوەندیی زانستی و هاوکاریی مرۆییە بۆ رۆژاڤا.

لە دیدارەکەدا دۆخی رۆژاڤای کوردستان و سوریا گفتوگۆی لەبارەوەکرا، دروستکردنی تۆڕێکی زانستی و ئەکادیمی بۆ پشتیوانیی رۆژاڤای کوردستان و بەردەستخستنی سەرچاوەی پێویست و گرنگ بۆ ناوەندە زانستییەکانی رۆژاڤای کوردستان جەختی لێکرایەوە.

کۆمەڵەی خوێندکارانی کوردستان وەک ناوەندێکی زانستی و پەروەدەیی ئامادەیی خۆی بۆ هەموو هەوڵێکی لەو شێوەیە و پشتیوانیی دامەزراوە ئەکادیمی و پەروەردەییەکانی رۆژاڤا دەربڕیوە، جگەلەوەش ئامادەی بۆ هەموو کارێکی پێکەوەیی نیشانداوە.