کۆمەڵەی خوێندکاران هەڵمەتێکی گەورەی بۆ پاکژکردنەوەی زانکۆی سلێمانی ئەنجامدا

بەهاوبەشی کۆمەڵەی خوێندکاران و سەرۆکایەتی زانکۆی سلێمانی، هەڵمەتی پاکژکردنەوەی ژینگەی زانکۆی سلێمانی ڕاگەیەندرا.

لەڕۆژی 22/12/2025 بەهاوکاری کۆمەڵەی خوێندکارانی کوردستان و زانکۆی سلێمانی، بەشێکی زۆر لە مامۆستایان و فەرمانبەران و خوێندکاران بەشداربوون لە پاکژکردنەوەی ژینگەی هەردوو کەمپی نوێ و ناوشاری زانکۆی سلێمانی، بۆ ئەو مەبەستە سەرجەم بەش و کۆلێج و تەواوی زانکۆی سلێمانی پاکژ کرایەوە.

کۆمەڵەی خوێندکارانی کوردستان بەردەوامە لەکار و چالاکییەکانی، مەبەستیەتی بەشێوەیەکی بەرفراوان سوودی زیاتر بە سەرجەم سێکتەرەکانی خوێندن بگەیەنێت، بۆ ئەو مەبەستە بە باشیان زانی لەم ڕۆژەدا هەڵمەتێکی گەورە بۆ پاکژکردنەوەی زانکۆی سلێمانی ڕابگەینن و هەموو ئەو میکانیزمانەی پێویستبوون بۆ پرۆسەکە بەشێوەیەکی گونجاو فەراهەمی کردن و شانبەشانی مامۆستایان و فەرمانبەران و خوێندکاران، هەموو پنتێكی زانکۆی سلێمانی پاکژکرایەوە.

لەو هەڵمەتەدا د.کۆسار محەمەد عەلی، سەرۆکی زانکۆ سلێمانی بەشداریی پاکژکرنەوەی زانکۆی کرد و بە ئەمەکەوە لەو دەستپێشخەریەی کۆمەڵەی خوێندکارانی کوردستانی ڕووانی، سوپاسی کۆمەڵەی خوێندکارانی کرد و ئەو ‌هەڵمەتەی وەک پەیامێک بۆ پاکژ ڕاگرتنی ژینگە و کۆمەڵگە ناوزەد کرد.

لە بەشێکی دیکەی قسەکانیدا ئاماژەی بەوە کرد کە "ئەوان بەشێوەیەکی بەرفراوان بەشداریی ئەم هەڵمەتەیان کردووە و بەردەوامیی دەبێت، جگەلەوەش هەموو کۆلێجەکان و سەرۆکایەتی زانکۆی سلێمانی تیمی تایبەت بە خۆیان دەبێت بۆ کاری لەو جۆرە، بۆ ئەوەی بەردەوام زانکۆ بە پاکژیی بمێنێتەوە".