ئۆفیسی کۆمەڵەی خوێندکاران لە ڕانیە کرایەوە

لەپێناو خزمەتکردن و گەشەکردنی ئاست و توانای خوێندکاران بەبێ جیاوازی، کۆمەڵەی خوێندکارانی کوردستان ئۆفیسی لە ڕانیە کردەوە و لە سنوورە پێشوازییەکی گەرمی لێکرا.

کردنەوەی ئۆفیسی کۆمەڵەی خوێندکاران لە ڕانیە، بەمەبەستی لە نزیکەوە ئاگاداربوونە لە گوزەرانی خوێندکارانی سەرجەم سێکتەرەکانی خوێندن لە سنووری پشدەر و بتوێن، بۆ ئەوەی کەرتی پەروەردە و خوێندن لەو دەڤەرە بەرەوپێشچوونی زیاتر لە ڕووی زانستییەوە بەخۆیەوە ببینێت.

بەئامادەبوونی بەشێکی زۆر لە خوێندکاران، ئەو ئۆفیسە لە شاری ڕانیەی دەروازەی ڕاپەڕین کرایەوە و زۆرێک لە خوێندکاران بە پەرۆشەوە ئامێزیان بۆ هەنگاوێکی دیکەی کۆمەڵەی خوێندکاران کردەوە، کە پێیانوایە دەبێتە دەلاقەیەک و سەکۆیەک بۆ ئەوەی خوێندکارانی ئەو دەڤەرە کێشە و گرفتەکانیانی تێدا گەنگەشە بکەن و لەو ڕێگەیەشەوە چارەسەرەکانیان دەستبکەوێت.