بەشداربووانی کۆرسی سکۆلەرشیپ لە ڕانیە بڕوانامەیان پێبەخشرا

لە چوارچێوەی کار و چالاکییەکانی کۆمەڵەی خوێندکارانی کوردستاندا، دەڤەری ڕاپەڕین ئامێزی بۆ کۆرسێکی سێ ڕۆژی تایبەت بە "سکۆلەر شیپ و خوێندن لە دەرەوەوی وڵات" کردەوە، بەو هۆیەوە زۆرێک لە خوێندکاران بەشدارییان تێدا کرد.

ئەم کۆرسە بۆ پێگەیاندن و گەشەکردنی تواناکانی خوێندکاران لە ڕانیە و ناوچەکانی دەوروبەری ڕێکخرا کە تێێدا وانەکانی تایبەت بە "سکۆلەر شیپ و خوێندن لە دەرەوەوی وڵات" بە بەشداربووان وترایەوە، لە کۆتا ڕۆژی کۆرسەکەشدا بەشداربووان بڕوانامەیان وەرگرت.

کۆمەڵەی خوێندکارانی کوردستان بە ئامانجی خزمەتی زیاتر و پێگەیاندنی خوێندکاران بەبێ جیاوازی، بەردەوامە لە پێشکەشکردنی هەموو ئەو کار و چالاکییانەی دەبنە هۆی گەشەکردنی خوێندکار لە سەرجەم سێکتەرەکانی خوێندندا.