نوێنەری کۆمەڵەی خوێندکاران لە چین بەشداریی سیمیناری ڕۆژنامەنووسانی وڵاتانی عەرەبی کرد

سەنتەری پەروەردە و ڕاهێنانی گرووپی پەیوەندییە نێودەوڵەتییەکانی چین، سیمینارێکی گەورەی بۆ ڕۆژنامەنووسانی وڵاتانی عەرەبی ڕێخکستووە و نوێنەری کۆمەڵەی خوێندکارانی کوردستانیش بەشدارە.

ئەو سیمینارە بۆ ماوەی دوو هەفتە بەردەوامیی دەبێت و بەشێک لە ڕۆژنامەنووسانی وڵاتانی عەرەبی بەشدارییان تێدا کردووە و محەمەد دانا، وەک نوێنەری کۆمەڵەی خوێندکارانی کوردستان لەو سیمینارەدا ئامادەیی هەیە.

سیمینارەکە تایبەتە بە کاری ڕۆژنامەوانی و میدیایی، لەو نێوانەدا گەنگەشەی کاری ڕۆژنامەوانیی دەکرێت و نوێنەری هەر وڵاتێک لای خۆیەوە بە سەرنج و تێبینییەکانیان بەشداریی سیمینارەکەیان کردووە.